ගාසා තීරයේ ජන ඝාතනය : මහින්ද හත්තක
“ගාසා තීරයේ ජන ඝාතනය” යනු ප්‍රවීණ මාධ්‍යවේදියෙකු සහ ලේඛකයෙකු වන මහින්ද හත්තක මහතා විසින් පලස්තීන-ඊශ්‍රායල ගැටුම සහ ගාසා තීරයේ මානුෂීය ඛේදවාචකය පිළිබඳව සිංහල පාඨකයන් වෙනුවෙන් රචනා කරන ලද කෘතියකි. විජේසූරිය ග්‍රන්ථ කේන්ද්‍රය විසින් ප්‍රකාශයට පත් කර ඇති මෙම කෘතිය, සියොන්වාදී දේශපාලනයේ සහ ගාසා අර්බුදයේ සැබෑ තත්ත්වය පර්යේෂණාත්මකව ඉදිරිපත් කරයි.
මෙම කෘතිය, අදාල ප්‍රකාශන ආයතනයෙන්, ප්‍රධාන පෙළේ පොත් සැල් මඟින් හෝ grantha.lk වැනි අන්තර්ජාල පොත් අලෙවිසැල් හරහා පහසුවෙන් ඇණවුම් කර ලබාගත හැකිය.
“..ඊශ්‍රායෙල පලස්තීන ප්‍රතිපත්තියේ ගාමක බලය වන මතවාදය නිවැරදිව හඳුනා නොගන්නේ නම් පලස්තීනුවන් හෝ යුදෙව්වන් හෝ අන් සියළු දෙනාම ආරක්ෂා වන්නේ නැත. ඊශ්‍රායෙලයේ ප්‍රශ්නය එහි යුදෙව් ආගම නොවේ. යුදෙව් ආගමේ මුහුණුවර කීපයක්ම ඇති අතර ඒ බොහොමයක් සාමයෙන් සහ සහජීවනයෙන් ජීවත්වීමට ශක්තිමත් පදනමක් සපයයි. යුදෙව් ආගමෙන් දැක්වෙන බහුත්ව අවකාශය විශේෂයෙන්ම පලස්තීනුවන්ට ලබා නොදෙන්නේ සයන්වාදයේ වාර්ගික ස්වරූපයයි. පලස්තීනුවන් කිසි විටෙකත් සයන්වාදී රාජ්‍යයේ සහ අවකාශයේ පාර්ශ්වයක් නොවනු ඇත. ඔවුන් දිගටම සටන් කොට අප පතන ආකාරයට බොහෝ විට සාමකාමීව, ජයගනු ඇත. එසේ නොවන්නේ නම් එය නිර්දය පලිගැනීමේ සුළි සුළඟක් මෙන් අරාබි සහ මුස්ලිම් ලෝකය පමණක් නොව මහ බලවතුන් වන එක්සත් ජනපදය සහ බ්‍රිතාන්‍යය ද ඇද බැඳ ගන්නා, අවසානයේ දී අප සියල්ලන්ම දවාලන මහා චණ්ඩ මාරුතයක් විය හැකිය..”
– ඉලාන් පෙජේ
