අචාර්යවරයා සහ සාන්තුවරයා

ආචාර්යවරයා සහ සාන්තුවරයා : පරිවර්තනය – මහින්ද හත්තක

“ආචාර්යවරයා සහ සාන්තුවරයා” [The Doctor and the Saint] යනු අරුන්දතී රෝයි විසින් රචිත, මහින්ද හත්තක විසින් සිංහලට පරිවර්තනය කරන ලද කෘතියකි. මෙමඟින් ඉන්දියාවේ කුල ක්‍රමය සහ සමාජ අසමානතාවය මෙන්ම, මහත්මා ගාන්ධි [සාන්තුවරයා] සහ ආචාර්ය බී. ආර්. අම්බෙඩ්කාර් [ආචාර්යවරයා] අතර පැවති දාර්ශනික හා දේශපාලන විවාදය ගැඹුරින් විශ්ලේෂණය කරයි.

මෙම කෘතිය, අදාළ ප්‍රකාශන ආයතනයෙන්,  ප්‍රධාන පෙළේ පොත් සැල් මඟින් හෝ  grantha.lk | keheli.lk | readx.lk වැනි අන්තර්ජාල පොත් අලෙවිසැල් හරහා පහසුවෙන් ඇණවුම් කර ලබාගත හැකිය.

අරුන්දතී රෝයි නව දිල්ලියේ දී ගෘහනිර්මාණ ශිල්පය හැදෑරුවාය. ඇයගේ පළමු නවකතාව The God of Small Things කෘතියට 1997 බුකර් ත්‍යාගය හිමි විය. එම නව කතාව භාෂා හතළිහකට අධික සංඛ්‍යාවකට පරිවර්තනය කර ඇත. The Ministry of Utmost Happiness ඇයගේ තවත් ප්‍රකට නවකතාවකි. ප්‍රබන්ධවලට අමතරව ඇය Field Notes on Democracy: Listening to Grasshoppers, Capitalism: A Ghost Story, Walking with the Comrades, Things That Can and Cannot Be Said (with John Cusack) සහ The End of Imagination යනුවෙන් දේශපාලන විශ්ලේෂණ ද පළ කර ඇත. ඇයට 2002 දී ලනැන් සංස්කෘතික නිදහස ත්‍යාගය ද 2015 දී අම්බෙඩ්කාර් සුදීර් ත්‍යාගය සහ 2015 මහත්මා පූලේ සමතා පර්ෂදයෙන් මහත්මා ජෝතිබා පූලේ ත්‍යාගයද පිරිනමා ඇත.

ඇය වෙසෙන්නේ නව දිල්ලියේය.